Google Go app ဟာ Google LLC က ထုတ်လုပ်ထားတာဖြစ်ပြီး အကြောင်းအရာတွေကို လျင်လျင်မြန်မြန် ပေါ့ပေါ့ပါးပါး လွယ်ကူစွာရှာဖွေလို့ရအောင် ထုတ်ပေးထားတာဖြစ်ပါတယ်။ app size ကလဲ 7 MB ကျော်ကျော်လေးပဲရှိပြီး ပေါ့ပါးပါတယ်။ ဝမ်းနည်းစွာနဲ့ Google Play Store မှာရှာလို့ရမှာ မဟုတ်ပါဘူး။ မြန်မာနိုင်ငံအတွက်အသုံးပြုခွင့်မပေးသေးလို့ပါ။ ဘာလို့လဲတော့ သေချာမသိရပေမယ့် Zawgyi-Unicode ပြဿနာကြောင့်ဖြစ်မယ်လို့ပဲ ခန့်မှန်းရပါတယ်။
ဒါပေမယ့် Unicode သွင်းထားတဲ့ဖုန်းနဲ့ပဲသုံးမယ်ဆိုရင်တော့ မြန်မာစာကို အသံထွက်ပြီးဖတ်ပေးနိုင်တဲ့အထိ အဆင်ပြေပါတယ်။
ကဲ ဒါဆိုရင် Google Go App နဲ့ ဘာတွေလုပ်လို့ရမလဲ ကြည့်ရအောင်။
၁။ Google ကိုသုံးပြီးရိုးရိုး ရှာဖွေခြင်း
ဒါကတော့ လူတိုင်းပဲ သုံးတတ်မယ်ထင်လို့ မပြောတော့ပါဘူး။အောက်က Search box ထဲမှာ ကိုယ်ရှာချင်တဲ့အကြောင်းအရာကို ရိုက်ထည့်ပြီးရှာဖွေရုံပါပဲ။![]() |
ဒါကတော့ Google Go App က ဝင်ဝင်ချင်းမြင်ရတဲ့ပုံပါ။ |
၂။ အသံဖြင့်ရှာဖွေခြင်း (Voice Search)
ဒီ function ကလဲ လူအများစုသိပြီးသားဖြစ်မှာပါ။
ဒါပေမယ့် ဒီနေရာမှာ unicode သုံးတဲ့သူတွေက အခွင့်အရေးပိုရပါတယ်။ အဲ့ဒါကတော့ မြန်မာလိုအသံနဲ့ရှာလို့ရခြင်းပဲဖြစ်ပါတယ်။ ပုံမှန်တိုင်းဆိုရင် အင်္ဂလိပ်လိုပဲ အသံနဲ့ပဲပြောပြီး ရှာလို့ရပါတယ်။
ကဲ ကိုယ့်ဖုန်းက Unicode သုံးထားတယ်ဆိုရင် Google Go App နဲ့ Voice Search လေးကိုစမ်းကြည့်ဖို့တိုက်တွန်းချင်ပါတယ်နော်။
![]() |
ဒါက Voice Search ပေါ့ဗျာ။ တခါတလေတော့ ကိုယ်ကပြောတာ တခြား သူကရှာတာ တစ်လွဲဖြစ်နေတတ်ပါတယ်။ အဲ့လို လိုအပ်ချက်လေးတွေရှိပေမယ့်လို့ ရှာရတာ အဆင်ပြေပါတယ်။ 😀 |
![]() |
ခုနက Voice Search ရဲ့ Result |
၃။ Image Search
Google Go ထဲက Image Search ဟာကျွန်တော်တို့ပုံမှန်သုံးနေကျ ပုံရှာတဲ့နည်းထက်ပိုပြီး အဆင်ပြေလွယ်ကူပါတယ်။ ပင်စာမျက်နှာကနေ image search ကိုသွားလိုက်တယ် ပြီးရင် ကိုယ်ရှာချင်တဲ့ category လေးတစ်ခုကိုနှိပ်လိုက် အဲ့ဒါနဲ့သက်ဆိုင်တဲ့ပုံတွေပေါ်လာမယ်။ Download ဆွဲလို့လဲရပါတယ်။
နမူနာအနေနဲ့ love quotes ဆိုတာကိုရှာပြထားပါတယ်။
![]() |
Love quotes ကိုရှာပြထားတာပါ။ |
၄။ Weather
Weather ကလဲ အရင်ကပုံစံအတိုင်းပါပဲ။ သိပိတော့ မပြောင်းလဲပါဘူး။![]() |
ဒါက weather ကို နှိပ်ပြီး ရှာပြထားတာပါ။ ပုံမှန်က သူက Yangon ကိုပဲပြပါတယ်။ အောက်က Search box မှာ Weather Mandalay ဆိုပြီး ကိုယ်ရှာချင်တဲ့ သိချင်တဲ့မြို့နာမည်ကို Weather နောက်ကနေ ရိုက်ထည့်ပေးလိုက်ပါ။ |
၅။ Google Lens
ဒါက ဘာလဲဆိုတော့ ဓာတ်ပုံရိုက်ပြီးစာဖတ်ပြခိုင်းဖို့လဲသုံးလို့ရတယ်။ ဓာတ်ပုံရိုက်ပြီး ဘာသာပြန်ခိုင်းဖို့လဲ သုံးနိုင်တယ်။ ကိုယ်သိချင်တဲ့စာကို ရှင်းလင်းအောင် ဓာတ်ပုံရိုက်ပြီး ခိုင်းလို့ရပါတယ်။ Unicode သုံးသုံး မသုံးသုံး မြန်မာစာတွေကို ဖတ်ခိုင်း ဘာသာပြန်ခိုင်းလို့ရပါတယ်။ နမူနာပုံကို ကြည့်ပါ။![]() |
ရှာချင်တဲ့ ဘာသာပြန်ချင်တဲ့ အသံထွက်ရွတ်ပြစေချင်တဲ့ စာသားကို ဓာတ်ပုံရိုက်ပါ။ ရှင်းရှင်းလင်းလင်းတော့ဖြစ် |
The function I like most in Google Go
သူက Web Page က စာတွေကို အသံထွက်ပြီးဖတ်ပြပေးတာပါ။ Wikipedia English နဲ့ Myanmar မှာစမ်းလို့ရပါတယ်။ Facebook တို့ Twitter တို့မှာတော့ မစမ်းကြည့်ရသေးပါဘူး။Wiki မှာ သိချင်တာကိုရှာလိုက်ပါ။ ပြီးရင် အောက်က play button လေးကိုနှိပ် သူက စာတွေကိုအသံထွက်ပြီးဖတ်ပြပေးပါလိမ့်မယ်။
နောက်ပြီး သူက မြန်မာစာကိုရော ဖတ်ပြပေးတယ်ဆိုရင် ယုံမလားဗျာ တကယ်ပါ မြန်မာစာကိုလဲ ဖတ်ပြပေးပါတယ်။ နမူနာအနေနဲ့ ကျွန်တော် စိုင်းထီးဆိုင် အကြောင်းကိုရှာပြထားပါတယ်။
အဲ့လိုအသံထွက်ဖတ်ပြတဲ့နေရာမှာ ကျွန်တော် ကြိုက်တဲ့အချက်ကတော့ အနှေးအမြန် speed ကို ကိုယ်တိုင်ချိန်လို့ရတာပါပဲ။ English စာကို listening လေ့ကျင့်ချင်တဲ့သူတွေအတွက် တကယ်ကိုအဆင်ပြေပါတယ်။
![]() |
Wikipedia Myanmar Page ကိုသွားဖို့ရာ Wiki Myanmar လို့ရိုက်ရှာလိုက်ပါ။ မြန်မာလိုရေးထားတဲ့ ဝီကီပီးဒီးယားဆိုတာကိုဝင်လိုက်ရင် Wiki Myanmar Page ကိုရောက်ပါပြီ။ |
နောက်မကြိုက်တာ တခုက မြန်မာလိုရှာပြီးဖတ်တဲ့အခါမှာ မြန်မာစာတွေကိုပဲ ဖတ်ပါတယ်။ အင်္ဂလိပ်စာတွေကို မဖတ်တော့ပါဘူး။ အဲ့ဒီတစ်ချက်တော့မကြိုက်ဘူးပေါ့လေ။ နောက်ပြီး ဂဏာန်းတေွဆိုရင်လဲ သုည(၀) ကို ဝလုံး(ဝ) အဖြစ်ပြောင်းဖတ်သွားတယ်။ (ဒါကတော့ Wiki ကဆောင်းပါးရှင်တေွေကြာင့်လို့ထင်ပါတယ်။)
မြန်မာအသံထွက်နဲ့ဖတ်ပြတာက Zawgyi ဖုန်းတွေမှာအလုပ်ဖြစ်မဖြစ်မစမ်းရသေးပါဘူး။ ကိုယ်တိုင်စမ်းကြည့်လိုက်ပါ။
" အချုပ်အနေနဲ့တိုက်တွန်းရမယ်ဆိုရင်တော့ Google Go App ကိုစမ်းသုံးကြည့်သင့်ပါတယ်။ တော်တော်အဆင်ပြေတာမို့လို့ အခုလိုပြန်ပြီးမျှဝေပေးရခြင်းဖြစ်ပါတယ်။
နောက်ပြီး Unicode ကိုပြောင်းသုံးကြဖို့လဲ တိုက်တွန်းချင်ပါတယ်။ Google ကထုတ်တဲ့ App တွေမှာ မြန်မာလိုအမှန်မြင်ရဖို့ဆိုရင် unicode ကိုမဖြစ်မနေ အသုံးပြုဖို့လိုပါတယ်။ "
သုံးကြည့်ချင်ရင်
Download Link Here (7.36 MB)
မသိသေးတဲ့ သူငယ်ချင်းတွေကိုလဲ မျှဝေလိုက်ပါ။
တကယ်လို့ ကျွန်တော်ပြောပြတဲ့အထဲမှာ မပါသေးတဲ့ အကြောင်းအရာရှိရင်လဲ comment လုပ်ပြီး ပြောပြခဲ့ဦးနော်။
.
နောက် post တခုမှာပြန်ဆုံကြပါမယ်။
.
Wanna Like Our FB Page for more Articles ?
NobleTecX
.
RK
0 comments:
ဤဝက်ဆိုဒ်သည် ယူနီကုဒ်စံစနစ် ကိုလိုက်နာကျင့်သုံးထားပါသဖြင့် Comment များကို ယူနီကုဒ်ဖောင့်ဖြင့်သာ မှတ်ချက်ပေးစေလိုပါသည်။
စိတ်ဝင်တစားဖတ်ရှုခြင်းအား ကျေးဇူးအထူးတင်ရှိပါသည်။
Rabbit Converter ကိုအသုံးပြု၍ ဖောင့်ပြောင်းလဲနိုင်ပါသည်။